虐殺3歲女案續審 死者母悔再與被告維繫關係
香港文匯報訊（記者 葛婷）一名運輸工人向女友淋潑通渠水令女友多處燒傷被判囚，2020年出獄後與母女兩人同住，涉嫌虐待3歲女兒梁雅思，包括多番猛烈搖晃女童致腦出血死亡，他否認謀殺罪受審。被告女友梁小欣昨日在庭上以視像作供稱，被告是因為不滿受她所累才坐「冤枉監」而回來報仇。因她自己成長於單親家庭，不想女兒重蹈其覆轍，所以才極力維繫與被告的關係，現在十分後悔，「冇（爸爸）咪冇囉，𠵱家寧願冇都唔想冇咗雅思。」她又批評被告「冇人性」。
控方針對被告劉佳坪和梁小欣在WhatsApp的語音訊息提問。其中，被告聲言要就梁小欣打雅思的嘴報警，梁反指：「你覺得（你）日日打個女嘅嘢唔係問題，咪報（警）囉！耳仔又爛、頭又爛、乜都爛，你對得住你咪報囉……反正佢返社署㗎啦！」被告回應稱：「我真係好驚你報警呀……你係想我報咗先啦，等我可以還返一次畀你，等你感受吓畀最心愛嘅人搵差人拉你嘅感覺好唔好受呀？我估個感受都幾好受，隆重期待，OK！」梁其後回覆稱：「哦，咁我明白晒啦，你講得呢句，即係你返嚟係為咗報仇啫！」
梁又向被告提到：「教到個女唔使理阿媽感受……你自己係咁日日打人嗰啲就唔講，單獨喺上面打完個女然後話我打呀！」梁庭上供稱，被告懷疑她另有男人，教女兒說媽媽帶了男人回家，「講埋最核突嘅嘢，教到個女唔尊重人咁。」她遂打了女兒嘴巴兩下。
梁小欣在庭上解釋「日日打人」，是指被告常懲罰女兒，包括「扭耳仔、搖佢……篤到瘀晒、搖佢呀……（手臂、腋下）損晒瘀晒，冇忽好肉。」她提到被告所指的「報仇」，是被告2017年向她淋通渠水被捕，「佢覺得我令佢入咗去成年坐『冤枉監』。」
「係我辛苦成年（才能接回死者同住），重（仲）要去探佢（監），一去就去半日，佢都好意思講埋啲咁嘅說話，佢真係冇人性！」梁小欣指，自己父親因不滿被告行徑，曾衝上深水埗居所與被告對罵，被告之後離開案發單位一段時間。為平息事件，她向被告道歉。
控方問：「你知佢個人係咁，你仲同佢一齊？」梁回答說：「自己嘅原生家庭係父母離異，一路喺無媽媽下長大，唔想雅思好似我咁（喺）單親（家庭）長大……」梁哽咽說：「𠵱家好後悔喇，冇（爸爸）咪冇囉，𠵱家寧願冇都唔想冇咗雅思！」
