黃子恆隨心演出 另類奸角放笑彈
近年多演奸角的黃子恆，雖然在無綫熱播劇《痞子無間道》繼續奸，但撞板多過食飯，絕對是令人捧腹大笑的奸角。前晚一集子恆與周嘉洛玩Beatbox，兩人爆肚自創「痞子版《香港早晨》」，引發連場笑位，難怪獲網民好評：「黃子恆真係好好笑，完全唔係平時官仔骨骨嘅形象」、「平時多數做黑社會奸角Cool爆，今次九唔搭八得幾好。」
子恆受訪時透露入行至今，只拍過3部喜劇，無獨有偶都是古裝，他很感激監製願意冒險找他演喜劇：「因為當時演得都幾隨心，有時都唔記得咗當時點解會咁演。」他續指從來沒有刻意為角色設計小動作或記憶點，主要都是百分百投入角色：「我覺得『范泰帥』（角色名）份人主要係唔守規矩、估佢唔到、想做乜就做乜、自High同活喺自己世界，變相我點演都得，只要導演同對手收貨。」
