伊健聶風上身再起風雲
自2009年電影《風雲II》上映後，鄭伊健已16年未演過聶風。早前他穿上古裝，以招牌長髮披肩的聶風造型，驚喜現身香港舞蹈團「港漫武俠舞劇《風雲》慈善場」唱《一對對》，令全場觀眾尖叫。於電影飾演「文丑丑」的鄭丹瑞（旦哥），亦驚喜擔任舞劇的說書人，配以「文丑丑」招牌笑聲，帶觀眾一秒進入《風雲》世界。
謝幕致辭時，旦哥說：「我願意嚟做呢件事，因為識於微時嘅馬榮成叫到，另一個原因，香港舞蹈團係我哋香港嘅驕傲，我能夠有機會踏上呢個舞台同香港舞蹈團一齊，雖然我冇跳過一步，但我已經覺得好爽！」然後他轉身向舞蹈團員們說：「多謝你哋！」伊健亦說：「我好榮幸可以同香港舞蹈團一齊合作，仲有馬榮成，由《風雲》電影我有份演出，到依家我都有份參與！」
