姚焯菲演技好 劉丹「跌眼鏡」
邵初自爆有圈外意中人
「聲夢小花」姚焯菲（Chantel）加入《愛·回家之開心速遞》約一個月，已深得台前幕後疼錫。《愛》劇台柱劉丹表示Chantel首日開工已令他跌眼鏡，讚她聰明、學習能力強，演得非常好；並笑言沒想過退休，因每天開工都見到很多靚女。
劉丹、樊亦敏、姚焯菲、林淑敏、許家傑、邵初、葉蒨文等，昨日出席《愛·回家之開心速遞》「春暖花開」活動。提到今日是《愛》劇拍攝8周年的大日子，作為台柱的丹爺說：「 每次講起個心就湧起非常激動嘅情緒， 自己都數唔到拍咗幾多集處境劇。（ 你係收視保證！） 公司畀機會就繼續做，自己記性仲OK。」
想演乞人憎角色
加入劇組約一個月的Chantel飾演丹爺親戚， 她讚丹爺記性好好，丹爺笑言：「既然Chantel讚我就繼續做。（諗過退休？）仔女都叫過我退休，但喺屋企無所事事，戇居居仲悶，返工見到啲靚女仲開心。」他大讚Chantel聰明演得好，首日開工已令他跌眼鏡：「有冇人研究佢食乜嘢大？」Chantel笑言：「飲水。」她表示之前拍過《青春本我》，已熟習拍劇流程。她表示若有機會拍正劇，想演跟自己不一樣的角色，例如乞人憎、有點嬌生慣養的角色。
邵初爸爸上月初不幸離世，她受訪時眼紅紅，稱爸爸離開翌日依然開工，試過忍不住喊，NG了一兩次，幸好監製和導演都體諒她。她很感激好友莊思明陪伴，以及劇組所有人都很關心她，為她調動工作安排：「我入咗劇組唔係好耐，但可能大家日復日相處，估唔到大家咁有心。」
葉蒨文將拍全新戀愛綜藝節目《女神配對計劃》，對於網民指她為拍節目而跟男友分手，她強調單身了一段時間：「我明白網上世界乜都講，見怪不怪，唔會影響心情。」邵初亦力證葉蒨文已單身了多個月。問到可擔心要在鏡頭前與配對對象親吻？葉蒨文說：「呢啲冇得勉強，相信到時拍攝現場有好多工作人員，應該好安全。」問單身的邵初想不想拍戀愛綜藝節目？她自爆已有意中人，對方是圈外人，但目前專注事業，以及雙方正處於了解中，一切隨緣。
