【地表最強】美麗緣分有餘未盡
兆 文
第五場第三班一二○○米。「知道長勝」上季甫出道即展現光芒，當時仍是三歲馬，首兩戰都順利勝出，可是進度追不上評分，升至三班僅獲一個季軍，更弊一沉不振，就算減夠分落四班未有轉機。
「知道長勝」今季初繼續差勁，直至大前仗變陣改攻同程，臨場瘋狂落重飛終回勇，不只反底贏馬，誇張到直路受困，好遲望空之下照贏可也。前仗步速偏慢失準，上仗變陣搶前再拚入Q，證明出戰同程跟前亦得。今仗再戰目前首本戲，賽前安排試閘似曾相識，因大前仗及上仗賽前都有這安排，前仗落第則未有這項舉動，仲要排二檔可輕鬆跟前，不似上仗早段用力推騎。
第七場第三班一1200米。「美麗緣分」台型極之吸引，早期試閘走勢出色，首季兩戰不只熱捧，更捧到14及17蚊，結果大家都知道，該兩仗拚失，然而未減幕後信心，上季首六戰也次次有飛，可是同樣拚敗，就算去到631場終於贏馬，再出卻大敗44個馬位，可以話極度失望。幸好來到今季，「美麗緣分」終於徹底轉好，首戰熱身跑起勇態，對上五戰全上名交出三冠一亞一季，除了找到艾兆禮這個最佳拍檔，另一關鍵是留前鬥後。睇番上仗沿途三疊照贏，而蹄下敗將「天足貓」、「智跑道」、「鐵金剛」及「正氣青驅」再出非勝即位，「美麗緣分」仍在三班出戰必佔優勢放心捧場。
