【欄邊老司機】猛將兄見真章
魯斯基
筆者近排發現一個特別數據，每場賽事選馬，不能完全冷搭冷，必須拖埋熱門一票。筆者以前只喜歡全用冷門下注，現在這方式很少奏效，改用一熱一冷，贏錢機會才能夠提升。或者正如不少專家所言，馬匹質素愈來愈參差，所以即使回報雞肋，好些熱門想躲起來亦不容易。今期首選希斯「猛將兄」，四歲質新馬有一定底子，今次配合3檔起步，居中競跑是最佳策略，希望出閘順利，守五、六位，入直路衝一段，楊明綸匆匆復出必心有所屬，冷人冷馬，揀佢。次選「多利神駒」，筆者自己有個數據，就係班仔騎跑馬地1200米好拿手，上季兩勝亦都係班仔操刀，人馬非常合拍，而且蘇偉賢馬房，今次賽事精兵盡出，此馬值得信賴。
