哥帥出口術？逆轉機會僅百分之一
在準備作客皇家馬德里的關鍵時刻，曼城領隊哥迪奧拿卻向傳媒放負，聲稱曼城能夠逆轉的機會微乎其微：「帶住2:3比數去班拿貝，每個人都知道要擊敗皇馬有幾困難，如果你問我晉級嘅百分率，我話係1%！未必絕對準確，總之肯定非常渺茫！」被問到球隊剛於英超大勝紐卡素，是否有助提升信心時，哥帥依然未見歡容：「一場4:0唔可以彌補呢個球季嘅失望，如果我哋經常踢到咁嘅水準，歐聯就唔會排名22。問題係今季我哋嘅團隊，唔可能每日都保持到水準！」
不過，對紐卡素的進攻模式，亦為曼城提供新契機！曼城在比賽中以身價2億歐元的強鋒夏蘭特做誘餌，利用自己的名氣，無私地不停走位引開對方守衛，為隊友提供進攻路線及空間，新援馬穆殊因而得到一次又一次的埋門機會。結果夏蘭特交白卷，但球隊卻入了4球！皇馬一眾守將，勢必要小心曼城今晚照辦煮碗。
