小辣椒麻辣燙
明碼實價 自選辣度
位於西營盤皇后大道西414號地下7號舖的小辣椒麻辣燙，亦有提供港式麻辣燙。採用類似車仔麵的方式，食客可從點心紙揀選心水食材。
所有食材明碼實價，配菜如生菜、豆卜、鍋巴、牛丸等，每款9元；嫩竹筍、龍蝦丸、鵪鶉蛋、牛百葉等，每款12元；至於肥牛肉、滷肥腸、鮮雞肉、魚肉片、煙肉片等，每款18元。至於湯底則有麻辣牛骨湯、番茄湯、菌菇湯和酸辣金湯，只有首3款可以免辣，而全部都可以自選辣度，由BB辣到勁辣都可，最後就是主食，每款9元起，最特別是有螺絲粉可選，但要加45元。
食物質素方面，舖頭細細其實已經有好多選擇，啲辣既香且辣唔係得個辣字，味道絕對是數一數二，不過話明係細舖，全店只有老闆娘一人工作，烹調、包裝、收銀一手包辦，人多的時候敬請耐心等候。
