三哥燙
60款食材 特色燙法
譚仔三哥米線旗下全新概念店三哥燙正式登場，新店選址元朗YOHO PLUS加點1樓C110號舖，將具備香、麻、辛、辣的三哥招牌原創湯底糅合麻辣燙文化，令麻辣燙滋味加倍昇華。提供8款三哥獨創湯底和60款食材及麵底，讓食客自行選擇及配搭，食材按重量收費，自由度相當高。
有別於傳統譚仔三哥米線的食法，三哥燙以五部曲拎、攞、磅、揀、嗌創意食法取而代之，食客先拎夾和器皿到食材櫃，從超過60款食材及麵底中自行選擇及配搭，三哥特意推出多款三哥燙獨家限定食材及麵底，如蝦、蜆、魷魚、風琴豆腐串、珍寶蟹柳、秋葵、海帶結、寬薯粉、米粉、公仔麵等，攞好所需分量後，再交由三哥姐姐磅重，食材按重量收費，大部分肉類、蔬菜及麵食（16.8元/每100克），亦有多款精選食材（18元/每碟）。
磅好食材後，客人可以從兩種特色燙法─姐姐燙和獨自燙中揀其一。姐姐燙即交由姐姐為你燙；獨自燙則在磅好食材後取回座位，姐姐會將邊爐爐具送上，由客人自行燙。獨自燙於下午3時後供應並以套餐形式出售（需額外加8元），當中包括自選湯底1款、配料（葱花、芫茜、酸菜）1份及特調醬汁1款。
揀完燙法，當然要嗌埋三哥燙的靈魂 ── 三哥獨創湯底，8款原創湯底包括：清湯、麻辣湯、煳辣湯、酸辣湯、番茄湯、水煮湯、重慶三哥酸辣湯以及砂砂湯，各有特色，更可自己選不同辣度，配上豐富食材令味道更立體昇華！五部曲完成後，就可以好好享受三哥燙的全辛滋味。
另外，三哥亦準備多款三哥特色小食/飲品/甜品可供客人加配，小食包括手拍青瓜、雲耳、豬耳、豬紅、口水雞翼，令整個三哥燙旅程更圓滿！
