有間麻辣燙

香港仔 P06 2025-02-19
■食材好地道，仲有福字麵揀。
■食材好地道，仲有福字麵揀。

■大大碗好好味。
■大大碗好好味。

　　港人口味 食材地道

　　有間麻辣燙位於九龍灣常悅道21號Eastmark 1樓2號舖，是一家專門提供自選食材的麻辣燙餐廳，用餐體驗不僅有趣，還充滿了創意。進入餐廳後，在門口攞個籃，跟住去雪櫃夾食材，有三個大雪櫃，目測最少有90幾種食材畀你揀，款式之多，讓人目不暇接，食材每100克只需16.8元。而且餐廳標榜港人口味，食材地道，包括麵食、肉類、餃子、丸類、海鮮、豆品、雞翼尖、蔬菜等，揀好晒之後再加埋想食的麵種如福字麵或辛辣麵即可。

　　夾完後就去收銀處磅重，同時揀選湯底，這裏提供4款湯底，分別係牛骨湯底，有BB辣、小辣和大辣選擇，肉香和醇厚的味道，特別適合喜愛重口味的食客。還有藤椒湯底，微辣的香氣加上濃烈的麻味，口感刺激，讓人瞬間上癮；番茄湯底，酸甜可口，十分清爽。至於香菇湯底則較為清淡，適合喜歡健康飲食風格的食客。

　　店方會根據你揀的湯底去煮，食落好新鮮，特別推介蝦滑，好鮮甜。現時還有兩款特飲，包括港男爆打檸檬茶同埋錫住港女檸檬茶，單看飲品名稱已經覺得好搞笑，而且飲落仲好清新好解渴，值得推介。