上海大晒冷 誓翻勝利船
亞冠精英盃聯賽階段最後一輪，中超FC上海主場鬥日職神戶勝利船。在東亞區12強中，共有8隊可以出線淘汰賽，勝利船經過7輪後積16分排次席，已穩得出線權；相反FC上海以2勝1和4負僅得7分排第10，今仗非勝不可之餘，再期望排7至9名的FC山東、浦項制鐵及上海海港，其中兩隊今輪不勝，才可以出線。無論如何，FC上海已聲言決不放棄，勢排最強陣容出擊，盡用5名外援，戰意遠勝客軍，熱捧1.77倍主勝。（HOY 76台周二8:00pm直播）
FC上海在今屆亞冠精英盃成績雖差，但主場仍有相當威力，曾經以4:1大炒浦項制鐵，亦贏過另一日職球隊川崎前鋒2:0，今仗大晒冷盡地一煲；勝利船今仗只屬例行公事，而且作客成績遠遜主場，今屆亞冠3場作客僅一勝，上次作客1:3敗於浦項制鐵。加上日職開鑼後賽程緊密，今仗賽前3日對過浦和紅鑽，賽後4天又要作客對名古屋鯨魚，由於首場聯賽未能贏波，今仗極可能會留力，期望盡快打開日職勝利之門。
