周嘉洛單身自在 情人節零消費
《痞子無間道》演員周嘉洛、朱敏瀚、陳瀅等前晚錄影《大師兄春日限定感謝祭》，問到情人節如何慶祝？傳與陳曉華拍拖的朱敏瀚表示：「我同媽咪打邊爐。（有冇陪女友？）媽咪係我最愛嘅女人，打完邊爐上咗張振朗屋企食消夜，一齊睇重播劇《反黑路人甲》。」問到是否做了振朗與女友楊偲泳的電燈膽？朱敏瀚笑言：「振朗同我講無任歡迎。」並指現在的情人節很商業化。周嘉洛聞言即大表認同，不會在情人節消費：「我直頭冇女朋友，係斬腳趾避沙蟲。（羨慕人哋拍拖？）係佢哋羨慕我，我逍遙自在、無牽無掛，好開心。」
陳瀅透露情人節當日要宣傳劇集，很夜才回家，助手打包了食物給她：「其實我唔想情人節食打包，但返到屋企真係好攰，抱住3隻狗食晒4個包，好慘！」
