陳柏宇帶病演出 「飛天」唱歌贏掌聲
歌手陳柏宇（Jason）在會展舉行一連兩場的《陳柏宇LIFE IS LIVE演唱會2025》前晚開鑼，現場座無虛席，Jason唱歌聲音略帶低沉，他解釋：「我早兩日病咗，不過依家功力深厚咗，所以唱到歌，如果聽到我有咩沙石就當係因為病。」當他唱《你瞞我瞞》時上不到高音，即將咪遞向觀眾席，變成全場大合唱，唱畢他即向觀眾道歉。之後他唱《魔法戰隊》時吊威吔上陣，全場拍掌歡呼，他又首度唱仍未推出的新歌《漂流木》。
完騷後，Jason受訪表示已針灸及食藥雙管齊下，聲線比之前好了不少：「只係唱唔到《你瞞我瞞》，或者聽日刪咗首歌，哈哈！我對自己嘅表現超級滿意，覺得唱得好好，有進步，只係得一首歌唱唔到。」
