巴塞衝榜首 火「歷」全開
群鋒輪流爆發 扭轉乾坤
西甲第24輪壓軸戲，第3位巴塞隆拿與第6位華歷簡奴上演前列大戰。巴塞近期全面回勇，經常瘋狂大炒對手，前線火力全開！難得兩支爭霸勁敵馬德里體育會及皇家馬德里，齊於今輪聯賽失分，巴塞贏波即可重返榜首！面對近年經常遭該隊大比數欺凌、兼且前線有大量傷兵的華歷簡奴，力足再炒一場。巴塞讓到兩球都撐上盤。（NOW 632台周二4:00am直播）
巴塞今季在費歷克執教下火力十足，除入球如麻外，季初亦曾長時間霸佔西甲榜首。直至去年底因為傷疲出現一段難捱低潮，被馬德里雙雄超越兼拋離，當大家都以為巴塞只得虛火，並預期難有染指聯賽錦標希望。可幸球隊經過歇冬休養生息，踏入今年全面回復強勢，至今各項賽事11戰9勝2和保持不敗，近9仗更有過半數的5場轟入對手5球或以上，利雲度夫斯基、拉芬夏、耶馬爾、費明盧比斯、費蘭托利斯等群鋒輪流爆發，加上兩大爭霸對手齊失分，更增添眾將在今夜重返榜首決心。
巴塞目前雖有門將達史特根、中堅安達斯基斯坦臣及中場小將馬克比拿爾養傷，攻擊手費明盧比斯停賽，不過整體陣容已遠比去年底完整。而且向來在主場炒慣華歷簡奴，近10次主場對賽，有8次淨贏兩球或以上、6次贏3球或以上，4次贏4球或以上，上屆主場則贏3:0，絕對恰死對手。
華歷簡奴 傷鋒難破蛋
華歷簡奴今季戰績也大躍進，聯賽排名由上季尾4急升上第6位。近期更接連擊敗基羅納、雷加利斯及華拉度列，取得3連勝，但要留意對手同屬中下游球隊。今仗前線更面對嚴重傷兵問題，除中場蒙迪爾及前鋒魯爾杜馬士長期養傷外，兩位主力射手沙治奧卡美路及烏尼盧比斯亦因傷缺陣。後者在近3次對巴塞有兩次先開紀錄，缺少這名巴塞剋星，華歷簡奴連破蛋的難度亦大增，再到訪奧林匹克球場凶多吉少。
