【地表最強】特別美麗但求開心
兆 文
第二場第四班1200米。「激光諜影」台型極佳，由著名馬販大衛派斯引入，四課大閘更由潘頓一手主理，不過欠缺實戰經驗，更弊要由大外檔起步，熱得過份絕不抵博。
或許「特別美麗」屢拚未勝會令你卻步，但五歲仍在壯年，而且上季三班一再跑得好，曾在同程跑獲亞軍，僅負「華麗再勝」而挫「球星」，單單此場賽績，對住今場一批年青馬已可秤先。今季首兩仗同程負重磅兼狀態初起輸近，之前兩仗跑1400太均速跟跑，衝程短縮埋追一段最好，上仗重返同程復現真面目，若非遇上偏慢步速已躋身三甲。今仗再戰同程追得過，尤其季內從未試過上從化備戰，這次突然變招北上，動態顯得非比尋常。
第七場第三班1800米。「但求開心」今季才出道，一出1400已展示了非一般的後勁，雖然臨場愈賣愈冷，但末段驚人後勁，之後次次追得好，而且更在1400取得兩捷。前仗梁家俊停賽換上蔡明紹，出閘一般之下，偏偏又遇上慢步速，結果先機盡失之下，居然亦有本事由尾列追回第三只輸馬頭位。
至於上仗回配梁家俊，這次嚴重受困，同時也搞到梁家俊犯規被重罰。「但求開心」能力高強，現時分依然有利，一連兩仗失運熱倒，今仗終於換人表明心意，愈見慢腳扳上1800冇理由唔啱，全力爭分出戰打吡，實力戰意兼備。
