【豐力深作】健康快車砌到掂
黃子豐
呢隻「健康快車」，上季到今季初跑過九場四班賽，早熟短途馬跑過九次，只係莫雅辛辛苦苦贏過一場，按道理都見得八八九九，唔似會有太多進步空間。不過，今季佢一再有飛，確實令我要一再細心研究下呢匹馬。
今季192場初上三班上名的「健康快車」，翌戰242場無原無故大敗，按道理，284埸飛數唔應該咁勁，始終隻馬三班冇證明太多，剛剛又輸一場甘甘哋，飛數唔可能咁厲害。結果真係差點贏馬，看來確有知情人仕，知道隻馬今季有一定進步，三班都唔太怕。再睇隻馬搏完後，其實飛數完全冇走，前仗2.5倍，上仗2.9倍，飛數保持超勁。
「健康快車」跑得唔好，純係因為呢兩場意外重重，同隻馬能力一點也無關，如今連埸落第後，成功退熱換來大把落飛空間，其實「健康快車」今季都跑過五場三班田草千二，基本上乜對手都碰過，次次也跑得唔差，而家換到賠率，絕對係其中一隻上風機會馬之一，有可吼之道。
