想效仿小方秘婚 馮允謙擬明年成家
香港文匯報訊（記者 梁靜儀）馮允謙（Jay Fung）放長假陪未婚妻Crystal，坦言唔排除效仿方力申（小方）秘婚，又自誇很有耐性訓練愛貓，相信將來會是好爸爸。
Jay Fung昨日到啟德體育園出席床褥寢具新店開幕活動，剛放完三星期長假的他，透露之前返了加拿大及去了墨西哥，主要是休息，希望有多些靈感幫助寫歌，笑言現在充滿力量，又自爆胖了不少：「我唔敢上磅，因為放假係咁放肆咁食同瞓，（幾耐未試過咁放肆？）呢四五年都好多工作。」
昨日是情人節，Jay Fung 表示之前已提早跟女友一起煮飯仔慶祝， 因平日自己很少煮飯，更不小心切親手。說到他的傷口似心形？他笑說：「 所以我post上嚟，證明我人生充滿愛。」問到可有送禮物？他冧爆透露送了情侶波鞋：「女友鍾意情侶裝，所以我送咗對波鞋，自己嗰對波鞋就留咗喺加拿大。（女友送什麼？）冇嘢送，主要陪我，上次我開騷，佢來港一個星期我都陪唔到佢，只係最後一日食咗餐飯，今次相處好舒服，有重返拍拖嘅感覺。」問到可會越洋送花給女友？Jay Fung笑說：「都會越洋送花，（情人節怎樣過？）原本打算約孿生弟弟，但佢約咗朋友，所以自己一個人過，不過我都慣。」
問到可會效法方力申秘婚？Jay Fung也不排除說：「呢個世界咩都有可能，但暫時未諗住，唔會係今年，睇吓明年，但唔會喺冬天，因為加拿大好凍，（會唔會喺香港搞婚禮？）我冇乜要求，睇女友，佢開心就得喇。」
