AZ加拉殘 陣冤家又講和
歐霸附加賽首回合，尚有荷甲阿爾克馬爾（AZ）主場對土超加拉塔沙雷。兩軍完成聯賽階段分列第19及14位，得分只相差兩分，而且在聯賽階段第5輪曾經碰頭，AZ同樣在主場賽和加拉1:1。今夜在附加賽冤家路窄，近況亦半斤八両，亦同時需要殘陣出擊。隨時會再度不分高下，留待次回合決勝，博3.45倍和波。（NOW 638台周五4:00am直播）
AZ暫居荷甲第4位，向來靠主場爭佳績，近9仗主場正式賽事贏了8場，但大部分只贏弱旅。球隊主場踢歐霸盃已保持16仗不敗，當中卻有半數和波，今仗共有5名主力傷停，包括鋒將伊巴謙沙迪克及魯賓雲邦美，主場出擊亦欠贏波把握；加拉塔沙雷同樣主強客弱，今屆4場歐霸作客不勝，但和了3場。今仗有中堅達雲達山齊士、中場盧卡斯托里拉及首席射手域陀奧森漢齊齊停賽，另一主力射手莫路伊卡迪養傷，火力同樣受損，再度作客荷蘭會繼續以不敗為目標。
