【地表最強】勝意本領輝煌硬淨
兆 文
第六場第四班1650米。「勝意」上季已一再跑近，票數更相當強勁，今季177場初跑谷草1650終於打開勝門，其後三度跑該項路途，續添一亞兩殿，水準尚算穩定。
黎昭昇作出新嘗試，上仗安排「勝意」改攻泥地一哩，睇番在港同父馬爭泥地成績一般，但該仗既回配贏馬拍檔潘頓，仲要臨場票數硬淨肯定有計，雖然未能一戰功成，只跑第三名，但交出10 10 10 3走位，僅以頭位之微見負，初跑泥地而言極了不起。有了一場經驗，「勝意」今仗再接厲再厲必定威力倍添，再者同場快馬多，甚有利牠的後上跑法，加上黎廄近期手風不俗，全晚最穩健馬膽。
第九場第三班1650米。「本領輝煌」在港暫時跑過四仗，累積兩亞兩季，全數躋身三甲，演出準繩可期，而且在其前面過終點的「川河帥駒」、「玩笑」、「同樣美麗」、「納百川」、「精英雄心」均屬當打分子。「本領輝煌」上仗改向泥地進軍，本身在澳洲曾三度角逐膠沙地賽事，全部取得亞軍，再結合在港同父馬泥地性能不俗，賽前預期必定合適。一再睇片，田泰安發揮無錯了，馬匹也全力盡拚，拚獲季軍已有交代，路程跑過一次，今仗再跑必定更好，一如上文心水馬「勝意」。另更鍾意「本領輝煌」周一到大圈踱步，既放鬆又聽話，整套動作亦更順滑，比起之前多添一份成熟感。
