霆鋒啟德騷飛被炒至逾十萬 拉姑嗌救命 霍汶希勸歌迷理性
香港文匯報訊（記者 子棠）謝霆鋒相隔廿五年再度開唱，今年四月將於啟德主場館舉行兩場《Evolution Nic Live謝霆鋒進化演唱會》，亦是亞洲首位登上場館開唱的歌手。消息一出，全城即現撲飛熱，上月的信用卡優先訂購，門票隨即被秒殺，一票難求，演唱會門票更被炒至逾十萬元一張，老闆楊受成透露霆鋒的母親狄波拉（拉姑）都嗌救命，經理人霍汶希（Mani）就呼籲大家要理性！
由於全城瘋搶，近日疑似「黃牛」於網上放飛，門票被炒至十七萬多一張，認真誇張！雖然霆鋒開唱，但就連阿媽狄波拉都大呻無飛，老闆楊受成透露：「拉姑都嗌晒救命呀！」問到英皇集團主席楊受成現在是否唔夠膽聽電話，驚人打去求門票，楊老闆直言：「聽（電話）！點會唔聽！我話你哋登記先，到時如果有我就畀你。」再問會否加場？楊博士發揮幽默本色：「你知佢好有性格㗎，冇人可以叫到佢㗎，佢𠵱家諗緊。」對於門票被炒高至六位數字，英皇娛樂集團營運總裁Mani日前跟楊老闆、久未露面的四哥謝賢、霆鋒及拉姑團拜，Mani勸大家要理性購票：「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」
