梁仲恆為鄧麗欣 寒天拍落水戲
鄧麗欣（Stephy）最近推出新歌《不可得》，邀得梁仲恆（阿炳）擔任MV男主角。拍攝當日氣溫急降，阿炳冒着10度低溫拍落水戲。每當他一上水，工作人員即為他披上保暖氈，阿炳笑言：「本身有少少想推，但因為導演話Stephy會同我一齊落水，我即刻拚咗條命出去，點知原來係騙局！」Stephy笑言：「唔關我事，我係唔知呢單嘢，我一早講咗唔會落水。我心諗，阿炳咁好嘅，咁樣都肯落水。」二人互望大笑後，Stephy感激說：「你真係好好，好多謝你！」
將於3月舉行首個紅館騷的Stephy表示：「最近要處理好多嘢，例如呢首歌，錄好幾日就拍MV，仲有宣傳電影。除咗呢啲，剩低嘅時間就一心一意準備演唱會。」阿炳問：「會唔會跳舞？」Stephy說：「點都要跳少少。」
