陪梁超怡行街冇下文 林俊其否認撻着
2022年港姐季軍梁超怡前年被傳介入蔡卓妍（阿Sa）與富三代男友石恆聰的戀情，梁超怡一直避談，事件擾攘近一年才回應：「其實我覺得呢啲唔係真呀！」與石恆聰劃清界線。昨日有報道指她暗撻早前合作拍無綫劇《黑色月光》的「翻版王浩信」林俊其，兩人被拍得穿白色情侶裝到尖沙咀撐枱腳，之後又一齊買衫及化妝品，儼如熱戀中的情侶。
林俊其受訪時否認與梁超怡拍拖，他說：「俾人影到嗰日係《黑色月光》最後一日宣傳，咁啱我哋無夾過之下撞咗套衫。」他指碰巧當晚要去尖沙咀工作，做完宣傳一齊在尖沙咀食午飯：「之後超怡要買生日禮物畀朋友，我就陪佢去買。」問到可有發展機會？他說：「唔會，都冇打算追，我哋幾個真係好朋友，嗰排經常合作，會互相幫助。」
