周柏豪春晚表演 老竇讚光宗耀祖
周柏豪昨日到九龍塘為港台新春團拜擔任表演嘉賓，近年轉戰內地發展的他大受歡迎，最近更登上春晚演出，他直言父親覺得光宗耀祖：「春晚表演真係好大壓力，嗰晚同陳小春、張智霖、阿姐（汪明荃）合唱，好少可以喺春晚唱粵語歌，好多網民都話係廣東人嘅光榮。我都覺得能夠用廣東話唱鍾意嘅歌，同埋可以同阿姐同台演出，係我今年最大嘅禮物。」
柏豪今年會繼續在內地開巡唱，亦計劃在香港開騷，因很久沒見香港歌迷，本周將會在母校舉行小型歌迷會聚會，既可見粉絲，亦為母校校慶助興。他透露今年會出新歌：「因為連我自己都冇CD機，大家亦習慣上網聽歌，所以唔會推出實體CD。」他又稱正洽談在香港拍攝的工作：「老人家打開電視見唔到我，就覺得我冇咩做，過年仲封咗大利是畀我，驚我唔OK，所以要做番啲嘢畀老人家睇。」
