【豐力深作】帝豪歡星照得亮
黃子豐
今季游達榮有三隻馬我一直都吼到實一實。呢三隻賽駒，就係由鄭俊偉轉過去嘅「焦點」、「運來伍寶」同埋 「帝豪歡星」。
當中「焦點」同「運來伍寶」，睇飛係最容易睇嘅，上面呢兩隻馬未轉去游達榮嗰陣，從來係一啲飛都冇嘅，但今季次次有信心飛，次次有穩定表現，而且最重要嘅係「焦點」同「運來伍寶」都各自證明咗，贏完後會繼續搏殺。
至於今期隻主角「帝豪歡星」，呢隻馬轉去鄭俊偉度跑咗四場，可以話完全冇表現嘅。但今季55場次，隻馬跑從來冇表現嘅泥地，居然突然有重飛，而且唔止一次，係打疊兩次有重飛。結果輸完呢兩場，隻馬就轉走咗。好明顯，係隻馬喺上手度，已經有人知道養好咗叫賭，結果連輸兩鋪後，順勢走埋。
而家游達榮接手，正正經經跑番草地，上場已證明贏馬後馬房繼續安排再拼省招牌，條路同「運來伍寶」、「焦點」一樣，馬膽我信呢隻。
