泳兒領軍當大師姐祝酒 楊受成率英皇藝人團拜
香港文匯報訊（記者 梁靜儀）英皇娛樂前晚舉行新春團拜晚宴，集團主席楊受成博士率領旗下藝人包括泳兒（Vincy）、歐陽震華、周家怡、溫碧霞、陳國邦、女團VIVA、楊天宇、曾傲棐、艾妮、洪助昇及海兒等出席，還有經理人霍汶希助陣，星光熠熠。
英皇眾同門藝人難得相聚，大家都把握機會合照。去年由英皇電影開拍的《破·地獄》大收一億六千多萬港元，成香港史上最強票房電影，眼光獨到的老闆楊博士興奮地即場舉行抽獎環節，氣氛熱鬧。
歐陽震華加盟半年感刺激
去年加盟的歐陽震華，首次參加公司的新春團拜，他說：「好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。」歐陽震華指最興奮的是入了新公司後，做了一些他從沒做過的事，：「第一年入公司，去年六月開始到現在過咗半年，我覺得呢半年好刺激，刺激嘅係我做咗啲以前咁多年都冇做過，或者冇人搵我做過，甚至係自己冇諗過我會做到嘅事。」歐陽震華口中所說的是參與了內地歌唱節目《聲生不息·大灣區季》：「初初我都覺得好似唔係好關我事，呢個節目唱歌嘅個個都係樂壇天花板，但公司話關我事，因為嗰一集係講港劇主題曲，所以好適合我呢個身份上去，因為我實在拍太多港劇啦！」他一唱完就問公司同事他可有走音，又不諱言唱歌沒技巧，只是真心演繹一首歌給觀眾聽。談到蛇年願望，歐陽震華說：「希望大家都身體健康！日日都開開心心！最重要係冇疾病、冇戰爭！」
領軍當起大師姐的Vincy則說：「我今年比較主動，即刻衝出去派利是，同埋我屬狗，今年行運！」日前推出新歌《無糖可樂》的Vincy，在團拜晚宴上全程用「無糖可樂」祝酒，趁機宣傳新歌。
