周吉佩澳門開唱 邀《中年》戰友做嘉賓
香港文匯報訊（記者 梁靜儀）首屆《中年好聲音》冠軍周吉佩（吉吉）將於本月22日假澳門舉行《延續·第三人生演唱會》，吉吉誠邀《中年好聲音》100強做嘉賓。
吉吉表示發夢也未想過能在澳門開騷，並透露下站將會移師到內地，其中包括廣州站：「之前喺街遇到廣州Fans，佢哋希望我可以去當地開騷。」
他表示今次澳門站的歌單跟上次不同，但方向和理念相若，都是宣揚「人人好聲音」，所以都想邀請《中年好聲音》100強來參與，因為比賽後大家各散東西，希望藉着今次機會聚首，他笑指大家反應非常雀躍：「好似旅行團，又要求有慶功宴，由於涉及人數眾多，都係交由主辦方幫忙邀請嘉賓，就好似漫畫《龍珠》中角色出大招放元氣彈。」至於可會邀請跟《中一》生傳不和的曹敏寶參與？吉吉就說：「要睇緣分，因為係主辦方聯絡，《中一》生有個群組，但唔清楚曹敏寶喺唔喺裏面，我歡迎所有《中一》生100強參與，暫時有40人應承咗，自己都好期待，等開騷嗰陣拆禮物。」至於會否騷肌？吉吉坦承沒有之前般健美，近日都要節食和修身，不過認為大家睇他都不是想睇肌肉，還是留待他日紅館開騷才騷肌。
