林峯盡力為囡囡添弟妹
型男林峯與堪輿學家李丞責昨日到尖沙咀出席活動，吸引大批市民圍觀。林峯笑言：「尋晚啱啱喺內地返嚟，入屋時打咗個乞嗤『閃』親條腰，應該係喺內地嘅太太同囡囡太掛住我，先令我打乞嗤。」他透露下星期會為電影開工，大約3月便拍完，之後專心籌備5月的紅館騷，他笑言：「濕身就梗㗎啦！同埋今年會推出3首新歌。」
談到新一年會否想添個蛇仔或蛇女？他笑言未必趕得切，不過會盡力，希望明年可以一家四口去滑雪。他坦言問過女兒想不想要個弟妹：「但囡囡冇意見。」林峯覺得現時小朋友的功課比他以前難很多：「教個女做功課，我都要查字典。」並笑言到學校面試時，覺得自己才是主角。他又稱與太太已有共識，會為女兒提供舒適環境，讓她自己選擇未來。
