巴保聯雙雄「和」味夠濃
鳳凰蘇斯達 小勝玩過關
今期繼續以小博大，推介一條3串4好分頭過關！當中尾關巴保聯賽事，兩支名牌球隊彭美拉斯與哥連泰斯喜相逢（開賽時間：周五7:00am）。雙方今屆巴保聯小組賽都處強勢，彭美拉斯5戰後於D組暫列次席，哥連泰斯則7戰6勝排A組榜首，今晚兩雄相遇，3.35倍和波可作過關重心。
彭美拉斯在去年底結束巴甲常規賽位列次席，得分比第7位的哥連泰斯多17分，加上主場之利自然受到熱捧。不過球隊近仗勝出率反而在客軍之下，而且受傷兵問題困擾，後衛比基雷斯、射手保連奴、前鋒般奴洛迪古斯都因傷缺陣，火力受損；哥連泰斯陣容較完整，狀態亦勝一籌，加上門將曉高蘇沙狀態大勇經常憑個人能力拯救球隊，今場作客遇強有力摸和對手。
頭關揀選今午早場澳職，威靈頓鳳凰主場對布里斯班獅吼（myTV Super周四12:00pm直播）。第10位威靈頓鳳凰手執18分，拋離包尾獅吼13分，近3仗1勝2和不敗，加上主場出擊，勝望明顯在近7戰6敗的獅吼之上。不過鳳凰卻面對傷病問題困擾，共有5名主力缺陣，尤其前線攻力嚴重受損，近5仗就有3場零入球。況且鳳凰近5次對賽雖取得3勝2和不敗成績，但3場勝仗有兩場只小勝一球，包括最近一次去年3月澳職主場贏1:0，今場再追[-1]讓球和。
奧沙辛拿硬淨難大敗
今晚尚有西班牙盃八強戰，第11位皇家蘇斯達主場對第8位奧沙辛拿（開賽時間：周五2:30am）。今仗是兩軍4日內第2次碰頭，奧沙辛拿在剛周日西甲主場贏過2:1，不過今場主客互調形勢勢將逆轉。畢竟蘇斯達近期主場表現強悍，近9仗主場正式賽事7勝1和1負，所贏對手包括巴塞隆拿；奧沙辛拿一味硬淨，近12場正式賽事只輸兩仗，而且都只僅輸一球，今場同樣博[-1]讓球和。
