炎明熹睇賀歲片 「第一次」獻黑爸
姜皓文豪言票房好 着泳褲派福利
由姜皓文（黑哥）與太太殷寧炮製的賀歲片《哈哈哈新年喜戲》前晚在觀塘apm舉行首映禮，兩人率領戲中演員李璨琛、陳靜、林盛斌等出席，多位圈中好友袁偉豪、吳家樂、曹敏寶等亦到場支持，曾於無綫劇《青春本我》飾演姜皓文女兒的炎明熹更表示首次睇賀歲片，為「黑爸」獻出第一次。
人緣甚廣的姜皓文夫婦前晚出席聯合監製兼主演的賀歲片《哈哈哈新年喜戲》首映禮，原本嘉賓名單有炎明熹（Gigi），但她未有現身首映禮，反而直接進入戲院，不過她有停步跟黑哥夫婦及現場觀眾合照。Gigi祝大家新年快樂、身體健康，以及「黑爸」的新片票房大賣，並說：「我係第一次睇賀歲片，所以希望大家入場好好咁享受。」
問黑哥對票房可有期望？他笑言：「冇期待都冇擔心，觀眾各有口味，今年好多賀歲片上映，反而覺得多選擇係好事，能夠百花齊放。」殷寧則笑言對不起老公，因預算有限，未能提供化妝師及汽車接送。黑哥笑言：「片酬都未收到，但冇所謂，呢件事我係想做嘅，能夠首次接觸監製崗位。」問到是否收兩份人工？他笑言很想，但實情只收了一封利是：「不過我覺得最緊要作品效果好。」他坦言若票房理想，首先會分花紅給工作人員，問到可會着泳褲派福利？他笑言：「你哋夠膽睇，我就夠膽着。」
陳靜唔介意相睇
談到Gigi入場睇戲，黑哥坦言一早約了對方：「Gigi好有心，仲話有需要幫手出聲。原本陳煒都話嚟，但最後有工作嚟唔到。」問到可有關心Gigi的前途？他坦言：「關心唔到太多，有同佢傾偈，但我畀嘅意見未必適合，所以冇畀意見，不過佢做乜我都會支持。」
單身的陳靜（DaDa）被問可想結婚？林盛斌即搶說會介紹筍盤男士給對方，還問DaDa有何擇偶條件，DaDa表示自己屬蛇，雖然今年犯太歲，但會有正桃花：「至緊要有男子氣概、善良同單身，佢做咩工作、高度都冇所謂，好期待佢嘅出現。」問到可會介意相睇？她笑言想嘗試：「因為結咗婚就冇得試。」
