稱霸德國賽 韋爾遜向前經理人致敬
「戰士」加蘭韋爾遜再次展現其世界桌球冠軍實力，於昨晨上演的德國桌球大師賽決賽，以局數10:9險勝鶴健士，繼2019年再在這賽事稱霸，並向這個賽事獎盃的已故命名者白蘭頓柏加致敬，後者正是「戰士」的前經理人，並將職業桌球及排名賽帶到德國之人。
今場決賽鬥得緊湊，要戰至決勝局分勝負，在終極決勝時刻，韋爾遜「起迫」59度領先，鶴健士其後攻入紅波準備反擊，卻意外讓白波撻死中袋，最後被韋爾遜結束了賽事。今次也是「戰士」自去年贏得世界賽後，在新球季的第三個排名賽冠軍，之前韋爾遜已先後贏出西安大獎賽及北愛爾蘭公開賽。
提到其前經理人柏加，韋爾遜說：「我2019年贏過呢項賽事，之後冇耐白蘭頓（柏加）就離世，佢錯過咗我職業生涯好多重要時刻。個賽事獎盃用佢命名係最適合，如果冇佢，根本唔會有呢個賽事，我可以再贏出亦都好開心。」
