【滎心一言】「納百川」紅運當頭
丘嘉滎
祝各位馬迷身體健康！萬事如意！今期將舉行四歲系列賽首關——經典一哩賽，一眾四歲精英負平磅競逐此項殊榮，總獎金高達1300萬固然吸引，但正本戲打吡大賽才是最重要的賽事，所以其他分數較低的馬匹要盡快搶分，爭取入圍資格；「納百川」轉倉至巫偉傑馬房後，初出即增程跑谷草1650米賽事輕勝，上仗升班轉場難度甚高，但馬匹出閘被碰撞而留後，轉彎仲要轉位幾乎十疊轉彎都追贏，可見馬匹轉倉後大幅進步之餘，還有不少虛分在手，「納百川」現評70分。
「納百川」如果想跑打吡至少要贏多兩場，評分達80分以上較穩陣，今場「帥帥友福」及「發財鴻星」排外檔預計上前，「保羅傳奇」及「仁心星」都有前速，預計步速正常至偏快，縱然「納百川」排外檔有機會賺形勢再下一城！
