展鵬夫婦公然耍花槍

  陳展鵬與單文柔日前夫妻檔上陣拍廣告,可謂寓工作於拍拖。拍攝當日,兩公婆以3個造型上陣,「愛妻號」展鵬每次見到老婆換新造型,都忍不住讚「真係幾靚喎」、「幾Sharp喎」等,單文柔撒嬌說:「你識唔識讚人㗎?我唔要『幾』,要講『好靚』!」擺明耍花槍放閃。單文柔透露為了以最佳狀態拍攝,事前下了苦功:「之前我好容易水腫,成日俾網民影到我,然後估我有BB,真係好尷尬!好彩拍攝前乖乖努力『做機』消腫,影起相上嚟都自信好多。」