艾摩廉40大壽 入魔兩月老了10年

  曼聯昨晨於英超作客倫敦鬥富咸,經苦戰下於78分鐘,憑中堅利辛度馬天尼斯助攻,施射省中敵衛改變方向入網,以1:0險勝。曼聯上半場形勢處於被動,幸下半場富咸戰將的速率突然大降,才取得艱難勝利。不過紅魔今仗贏波,21歲小將哥利亞亦居功至偉,全靠這位防中福至心靈,一次回防補位返回白界前頭槌護空門,曼聯才得以保住清白之身。

  紅魔贏波,領隊艾摩廉並未感到特別興奮:「球隊表現一般,甚少創造到入球機會。我哋嘗試踢出自己風格,但發揮唔好,仲有好多地方需要改善。唯一令人滿意嘅,係終於冇失波,咁樣係會提升大家信心!」比賽日(1月27日)適逢艾摩廉40歲生日,贏波總算是一份禮物,艾帥卻自嘲說:「唔係40歲生日,應該係50歲,我嚟到曼聯兩個月,感覺好似老咗10年,但可以喺呢度過生日總算榮幸。」由此可見艾帥面對的壓力實在極大!