祖兒專誠捧場 朱康開心到腳軟
賀歲片《祥賭必贏》前日舉行名人優先場，主演蔡卓妍（阿Sa）、張繼聰、朱栢康（朱康）和吳家忻等出席造勢，吸引容祖兒、蔡一智等捧場，氣氛熱鬧。阿Sa相隔多年再拍港產喜劇，好姊妹祖兒當然要來支持，不過阿Sa笑指祖兒今次順道來捧朱康場。三人合照時，朱康竟怕醜仔上身，更大嗌腳軟！入場後，祖兒在觀眾席舉起手機拍朱康，阿Sa大叫：「我同祖兒都覺得朱康好靚仔呀！」
阿聰受訪時表示：「今日第一日做謝票，我哋謝咗8場票。」阿Sa則說：「未試過咁好玩，因為有阿聰喺度，淨係聽佢講嘢都值回票價，我哋係全新嘅組合。」阿聰隆重介紹由兩人的英文名Louis加阿Sa組成的組合：「Louisa！因為我去咗台北做嘢，見到Louisa咖啡喎，我哋可以組組合喎。（會唔會出歌？）但我哋冇嘢做㗎，空殼公司。」阿Sa笑言謝票時可用此組合名。
