心痛好友辛苦做「空中飛人」 慧嫻勸克勤訓練兒子白手興家

香港文匯報訊(記者 阿祖)陳慧嫻40周年演唱會前天完成第三場演出,邀請了好朋友李克勤任嘉賓。當晚氣氛比之前兩晚更熱烈,全場大合唱歌聲震館,令慧嫻十分開心,不知是否觀眾反應熱烈,慧嫻亦被帶動忘我,跳舞環節興奮跳到甩褲,當她與克勤完成跳唱《跳舞街》之後,發現窘狀隨即請求克勤幫忙,克勤就尷尬推卻笑說:「我有家室㗎啦。」他只好讓女舞蹈員過來幫慧嫻。
慧嫻與克勤是由20歲就相識的好朋友,從寶麗金年代已經同一間唱片公司,兜兜轉轉又再於新公司英皇娛樂中做回同事,慧嫻在台上談及與克勤的友誼:「 我哋好少喺台上講真心話,通常真心話都喺電話講,你真係一個天才嚟!我做咩都問你意見,今次演唱會你都特登第一場就嚟睇,又畀咗好多意見我,好多我諗唔到嘅嘢,你都諗到。咁多年,我做咩節目,接咩工作,你都畀好多意見我,我咩都問你,不過近半年我見你不停咁巡迴演出,飛去呢度飛去嗰度,我都唔敢打咁多電話畀你,有時見到都覺得有啲心痛,做咩咁辛苦啊?」克勤回話:「嘩,我有少少眼泛淚光,我家庭負擔重嘛。」慧嫻就勸說:「你唔好咁辛苦!等佢哋(指克勤兒子)好似你咁白手興家!自己賺錢!」觀眾即掌聲雷動。克勤笑道其實他自己都要花錢的,男人需要安全感,所以他努力搵錢;慧嫻打趣笑說若將來有天她沒飯吃,就請他這位好朋友救濟一下她。
至於克勤獨唱前透露他為了慧嫻這個好朋友,第一晚刻意就來捧場,並說:「我都未試過做人嘉賓要跳舞,誠意十足,睇咗一次先,有定心理準備。」接着,他唱出慧嫻的經典名曲 《去吧》。