陳慧嫻澄清「華麗的跌」非刻意
香港文匯報訊（記者 子棠）陳慧嫻繼在首場演唱會因為公主裙太重加上高跟鞋疑踩裙腳，不小心在台上華麗一跌，前晚第二場在同一時段唱出同一首歌時，她全程小心翼翼，成功唱完歌及返回台中央後，即向觀眾說，「我終於成功冇仆低，真係有人問跌倒咁靚係咪刻意？有冇良心㗎？哈哈，我要玩都唔玩自己，雖然我每日都食四粒鈣片，但點會喺呢度玩跌倒，場場都要跌倒，咩年紀呀？會跌碎骨㗎！」
AGA江海迦擔任表演嘉賓。當AGA出場與慧嫻跳唱《跳舞街》後，慧嫻表示二人相識於2013年，她大讚AGA唱作皆能，去年對方終於為她作曲，很開心今次還邀得對方做嘉賓。慧嫻說：「其實AGA最近有耳水不平衡，唔舒服，我叫佢不如唔好來，無嘉賓唔緊要，但佢話答應咗一定要到，我就叫佢唔好跳舞，我前晚都在台上跌倒，怕佢耳水不平衡又跌倒就唔知點算。」AGA則說，「慧嫻姐姐，我好感激你，因我剛入行做創作起步時，唔知自己好唔好，出面有冇人鍾意聽，但得到你嘅祝福同鼓勵，畀咗好多信心我，好感恩係呢個舞台上為你做嘉賓。」
