馬明自嘲冇肌肉 拒着泳褲派福利
馬國明(馬明)、高海寧(高Ling)、陳靜、郭珮文、陳家樂等前晚出席賀歲片《麻雀女王追男仔》群星首映禮,首次擔正香港電影男主角的馬明說:「叫咗我老婆(湯洛雯)同朋友嚟,心情都緊張㗎,因為喺香港未試過,好在有好多演員分擔,戲份好平均嘅。」高Ling表示對賀歲片的票房目標較高:「因為農曆新年係要睇賀歲片,希望大家入場睇啦。」
高Ling笑言若有3,000萬票房,會叫馬明派利是。問到可會着泳衣派福利?她說:「咁要8,000萬票房至得。(着三點式泳衣?)咁要再加啲。」問馬明可會着泳褲配合?他耍手擰頭說:「唔得呀,唔好睇嘛 ,好睇先叫派福利,我冇肌肉騷,諗第二啲啦。」高Ling提議他扮財神,馬明立即應承說:「扮咩都得啦。(唱歌仔?)叫陳家樂唱啦。」