苟芸慧開腔談婚變:有啲嘢未講得住

  久未露面的苟芸慧(苟姑娘)昨日出席活動,她笑言很擔心被大家忘記,幸好大家仍掛念她。她透露已跟前經理人公司完約,現在是自由身:「覺得2025年好好彩,頭炮出席活動又拍咗一個新廣告,希望未來有更多工作機會,都想拍戲、拍劇同旅遊綜藝。」

  提到她與老公陸漢洋屢傳婚變,苟姑娘尷尬稱:「遲少少先,整理好先,依家好煩。(可以繼續稱呼你做陸太?)可以叫我苟姑娘,有啲嘢未講得住,希望遲啲先,處理好晒先。(仲有啲手續未搞掂?)有私人嘢要處理。(今年重新出發?)2025年大家都重新出發。」她透露農曆新年會回台灣與家人度歲,以前在台灣試過經歷地震:「試過地震嗰陣,我未識反應過來已經震完,原來反應慢都有好處。我覺得命運整定嘅,都擔心唔嚟。」