VAR唔幫手 娜華露望改制
睇「誤判」，不止在足球場有得睇！網壇四大滿貫的澳洲網球公開賽進行到關鍵階段，昨日的女單賽事由施維雅迪對艾瑪娜華露之戰，竟出現罕有誤判，就連VAR視像裁判亦未能幫手；最終出現「連擊」得分的施維雅迪，以直落兩盤6:1及6:2贏波，勇闖四強。
澳網在今年首度引入VAR系統，但與以往靠科技判定出界與否不同，VAR也為爭議判決提供幫助，但只會用於該球被判定結束，或是在球手停止回擊。話說今次爭議一球出現在娜華露落後1:6及2:2，細分領先A-40之時，當施維雅迪出現疑似連擊，但娜華露雖有疑問，卻繼續抽回網球，因此未能啟動VAR作判決，就此失掉了該分數。
娜華露承認事件發生並未有影響她出手，但制度卻始終有改善必要：「我哋應該事後睇番球波，因為一切嚟得太快，我當時只係諗，『冇所謂啦，就算冇判罰，我都會贏到呢分』事實假如我冇繼續打，而最終唔係連擊，我咪會輸咗嗰分囉，所以真係好難決定。」施維雅迪則堅稱事件發生喺千鈞一髮，她也不清楚是否有犯規，而作出判決是球證責任。
