福仔勢借巴塞 艾摩廉壓力爆煲?
被艾摩廉(圓圖)排除於曼聯大軍陣容以外的拉舒福特,其經理人團隊本周先後約見巴塞隆拿及多蒙特,商討外借事宜。根據《每日體育報》消息,第一站到訪巴塞已經傾掂數,只要曼聯同意,「福仔」將外借該西甲勁旅,直至本季結束。
曼聯上輪聯賽不敵白禮頓後,領隊艾摩廉賽後向傳媒表明,他目前帶領的可能是史上最差的曼聯,更聲言可以作為頭條新聞,同時更預言曼聯可能會踢得更差。而賽後又被爆於檢討時打爆了更衣室的電視,無論言行都有失控跡象!《天空體育》評述員足球名宿加歷查、及《BBC》直播主持人Richard Keys,都異口同聲表示艾摩廉經已壓力爆煲,甚至予人「擺爛」態度。加歷查說:「曼聯表現差,但處於困境至係搵佢教嘅原因,佢需要做嘅係解決問題!但依家所講嘅,係我聽過最奇怪同荒謬嘅領隊賽後。我唔知對球隊有咩好處,更加唔知曼聯高層聽到會點睇,我感覺艾摩廉想博炒魷!」