盼紅館開騷慶草蜢40周年 蔡一智「登六」騷肌晒樂悠咭
香港文匯報訊（記者 阿祖）草蜢成員蔡一智（阿智）本月初生日，今年踏入60歲的他以「GO OLD WITH THE FLOW」為主題，阿智說：「中國曆法60年一甲子，一甲子一個新開始，我將『60』同『GO OLD』結合成『60LD』，我覺得係一個黃金嘅歲月。仲印咗一套4款利是封，由年輕到𠵱家白髮造型，見證我嘅成長。我覺得能順其自然，慢慢老去，係好值得開心嘅事，希望同歌迷分享我踏入甲子嘅喜樂。」他表示：「好多謝我嘅家人、歌迷、圈內和圈外嘅朋友為我搞生日會，最開心係偶像發哥（周潤發）都同我慶祝生日，令我感受到滿滿嘅愛。仲要多謝老闆林建岳博士厚愛，佢話全力支持草蜢40周年，盡快攞到紅館檔期，同埋世界巡演。」
阿智「登六」分別在香港和台灣與幾百位歌迷舉行聚會慶祝。有歌迷表示：「去年我身體發生狀況，我跟自己說要盡快調理好，要跟草蜢慶祝40、60周年，100歲也跟你們一起。」阿智上前擁抱表示感激和支持。
阿智透露為歌迷寫咗首新歌《我從小就喜歡你》，希望盡快錄好，同大家分享。他又說：「今年香港生日會我分享咗剛攞到嘅『樂悠咭』，台灣生日會就分享咗我剛考到嘅運動教練證書。歌迷建議明年生日一齊做運動，仲即場騷咗啲肉仔，鼓勵大家要堅持。呢幾年我跟發哥去跑步做運動，見到佢啟發和幫咗好多人，我覺得好有意義，於是花咗兩年考執照，希望專業地去教人用正確方式去做運動，推廣健康。」
