認天宇為「好友」 德德擬請客慶功
香港文匯報訊（記者 梁靜儀）陳懿德（德德）日前在《萬千星輝頒獎典禮2024》以大熱姿態奪得「最佳女新人」獎項，台上德德公開多謝「好朋友」，鏡頭即影住台下眼泛淚光的羅天宇，德德搞笑稱歡迎大家對號入座，並親揭好朋友其實不止一個。
德德前晚除了首次獨挑大樑做頒獎禮司儀，更以大熱姿態奪得「最佳女新人」獎，當她在台上致感言，說到多謝到一位「好朋友」時，鏡頭一轉便影住台下眼泛淚光的羅天宇，片段更在網上瘋傳，令二人的緋聞再次升溫。
德德接受香港文匯報訪問時，大方承認天宇是「好朋友」，問到如何答謝對方，她笑說：「我諗住請撐我嘅所有好朋友食飯，多謝佢哋。」除了多謝天宇這位「好朋友」外，德德亦想多謝另外兩位好友鄭衍峰（Leonard）同周奕瑋（Jarvis）：「Leonard係一個啟發到我嘅朋友同拍檔，兩年前我未有太多工作，佢就同我講要定個目標畀自己，例如想做台慶司儀，佢成日同我講『你係得嘅』，同埋特別多謝Jarvis，因為佢做台慶司儀做得好好，所以我去請教佢，佢知我做台慶司儀，便毫不保留教我，幫我做心理輔導。」
另外，對於被批做司儀的聲線太高，德德解釋都有刻意壓低聲線，但工作人員就覺得似沒有精氣神，所以就提高返聲線，她應承大家下次會更好。
