志偉否認賽果內定 遵從民意絕對公正
無綫總經理（節目內容營運）曾志偉、汪明荃與胡楓等昨日錄影賀年節目《乙巳年吉星高照年初一》，提到《萬千星輝頒獎禮2024》賽果惹爭議，志偉表示沒有一個賽果會令所有人滿意，但強調今次賽果公正，完全遵從觀眾及同事的投票結果。
志偉表示當晚見很多同事、藝人聽到賽果即哭出來：「因為大家覺得『舊規則以前公司唔會畀（獎）我』，或者係年紀大由年輕人頂上。我可以同大家講，今屆完全公正，公司冇秘密。以往會俾人覺得係內定賽果，當中存在『續約傾條件』！依家唔使講條件，每一位都係憑實力，希望呢件事令每一位藝人、每個攞到獎嘅人都似『金像獎』一樣係實至名歸。（藝人講條件續約係咪存在？）以往一直有，依家唔係冇得傾，但我同你講都冇用，因為評審制度決定喺觀眾手上，倒不如（藝人）花心思同同事相處得更好，同觀眾建立良好關係，等佢哋投自己一票。」
