好片可睇夠8次 盼《破·地獄》破2.2億 米高:港人聚力 無往不勝可創紀錄

●米高貼心為「女兒」衛詩雅送上結婚禮物。
●米高貼心為「女兒」衛詩雅送上結婚禮物。

●米高祝香港人及香港電影同樣向好。
●米高祝香港人及香港電影同樣向好。

●(前排左起)衛詩雅、米高及陳茂賢現身戲院謝票。
●(前排左起)衛詩雅、米高及陳茂賢現身戲院謝票。

  香港文匯報訊(記者 阿祖)電影《破·地獄》上映踏入第11個星期,最新港澳累積票房突破1.58億元,前日導演陳茂賢與許冠文(米高)及衛詩雅(Michelle)現身戲院謝票。米高呼籲港人睇夠8次,冀票房破2.2億元,米高稱港人聚力無往不勝,Michelle獲「爸爸」驚喜送靚酒賀下月結婚嗌感動。

  許冠文笑言希望《破·地獄》票房收2.2億元,寓意香港人打破任何困難,他於謝票後分享感言,語重心長祝願香港人及香港電影同樣向好,米高說:「我同好多香港人一樣,一生都希望進步同埋破紀錄,一生人都曾經追求過幾次,喺呢位才華洋溢嘅導演(陳茂賢)嘅作品又令我再感受到一次。不過今次未破得晒,仲有6,000萬元左右就可以破到香港所有電影嘅紀錄,嗰部係2.2億元票房嘅《End Game》(《復仇者聯盟:終局之戰》),如果大家已經睇咗4次,唔爭在睇夠8次。呢個唔只係我嘅夢,如果香港可以有一部2.2億元票房嘅香港電影,咁就證明香港人可以做晒任何嘢,雖然暫時環境比較惡劣,不過我哋好快就可以破任何困難、任何嘅紀錄。」

  約衛詩雅傾男人的秘密

  而米高除了現身謝票,更為戲中的「女兒」衛詩雅帶來一支美酒作結婚禮物,米高表示事緣自己下月跟家人外遊,未能親身出席Michelle的婚禮。因此於謝票期間驚喜送上心意,米高更笑言:「之前我個女出嫁前,我都係同佢開咗支酒分享心事,仲同佢講咗好多男人嘅秘密,不過就唔方便喺呢度講,哈哈!」搞鬼的米高更約定Michelle再聚,私底下分享。而Michelle接過米高的禮物已眼泛淚光:「好多謝米高,感覺真係多咗一個阿爸,好感動,我同米高個女一樣都係咁啱叫Michelle,所以特別有一份親切感。」

  至於同場的導演陳茂賢亦分享:「拍攝時因為每位演員都好專注演出,每場都要投入情緒,所以嗰陣其實大家都未有好多機會傾偈,反而係拍完電影一齊經歷密集式宣傳,又多啲時間互相了解,所以形成咗呢股凝聚力。」