馬圖斯褒揚藝術家 華迪斯留戀藥廠
《天空體育》首席足球專家、63歲的德國重量級名宿馬圖斯(圓圖)，近年已成為國家隊兩位天才中場穆斯亞拿及科利安華迪斯粉絲，更預言兩人可以合力幫助德國再捧世界盃！馬圖斯指穆斯亞拿是世界最頂級進攻中場、拜仁慕尼黑絕對要不惜任何代價留住這位21歲精靈，甚至開出空白支票亦在所不惜。
不過，馬圖斯似乎更偏愛華迪斯，多次褒揚這名同為21歲德國天才：「佢仲好年輕，但我欣賞佢已經好幾年，不但係球場上嘅魔術師，亦係一位真正藝術家！冇人可以一對一嘜死佢，除咗令人驚嘆技術外，我最鍾意睇佢喺遇上挑戰時作出嘅選擇，因為佢比任何人都更聰明，經常作出超越佢年齡嘅成熟決定！」馬圖斯渴望他可以長留德甲，可幸即使正受皇馬、巴塞、曼城、拜仁等勁旅瘋搶，華迪斯仍然留戀「藥廠」利華：「我只想同利華創造更大輝煌，我哋唔會差過任何球隊，依家唔會考慮其他事情！」華迪斯在《轉會巿場》保守估值已升至1.4億歐元，與穆斯亞拿並列世界第7，與利華合約至2027年，「藥廠」在上月已開始與他及其家人，探討續簽新約可能性及詳情。
