夢想《破·地獄》收2.2億 許冠文寄語港人自強
英皇電影《破·地獄》上映踏入第11周，最新港澳累積票房數字突破1億5,800萬元。前日導演陳茂賢、演員許冠文（Michael）及衛詩雅到大圍出席謝票活動。Michael坦言希望票房收2.2億元：「仲有6000萬左右就可以破到香港所有電影嘅紀錄，嗰部係2.2億票房嘅《復仇者聯盟：終局之戰》，如果大家已經睇咗4次，唔爭在睇夠8次。呢個唔只係我嘅夢，如果香港可以有一部2.2億票房嘅香港電影，咁就證明香港人可以做晒任何嘢，雖然暫時環境比較惡劣，不過我哋好快就可以破任何困難、任何嘅紀錄。」
他透露下月跟家人外遊，未能出席衛詩雅的婚禮，故帶了一支酒作結婚禮物，衛詩雅接過禮物後眼濕濕說：「感覺真係多咗一個阿爸，好感動。我同Michael個女咁啱都叫Michelle，所以特別有一份親切感。」
