魚唇平靚正 口感似花膠

香港仔 P04 2025-01-17
■浸發後的魚唇十分軟滑厚身。
■浸發後的魚唇十分軟滑厚身。

　　除了冬/花菇外，花膠也是自用首選，惟近年已有不少人以魚唇替代。KiKi指出：「花膠近年因過度捕魚而令價格上升，某些名貴花膠越來越貴，因此不少人以魚唇代替花膠入饌。」例如金龍肚筒2,200元/斤；牙揀魚唇只是320元/斤。

　　所謂魚唇又稱翅裙，是鯊魚尾兩端魚鰭之間的無翅針肉膜。色澤金黃，經曬乾後堅硬，需浸發使用，經浸發後質感柔軟而富彈性，多用於湯羹或炆煮菜式，常見於宴會菜式。魚唇雖然取自鯊魚，但價格不似魚翅般貴，加上含有豐富的膠原蛋白及非常高膠質，營養價值不低，又有護膚美顏作用，同時亦有滋陰補虛之功效。用來炒、燜、燉、煮都一樣好食。

　　水滾放白酒辟腥

　　以牙揀魚唇為例，清洗後浸半個鐘後，將魚唇放入水煲，待水滾後放入白酒（辟腥之用），滾1分鐘後熄火焗3小時，之後拎出放入水入面，水要浸過魚唇面，放入雪櫃一晚即可備用。浸發十分容易，比花膠的冷水浸泡、隔水蒸更方便。