阿Sa憂母親漸老感觸哽咽
內地綜藝真人騷《因為是朋友呀2》第5及第6集，容祖兒、蔡卓妍（阿Sa）及鍾欣潼乘坐遊輪出海，並邀得高海寧（高Ling）擔任嘉賓，高Ling更帶埋媽咪上船，高媽媽亦一起晚餐，席間高Ling談到跟母親相處點滴，阿Sa亦表現感觸：「入行開始媽咪一直幫我理財，但依幾年開始覺得媽咪老喇……」她隨後更哽咽起來：「媽咪開始約我去銀行或者見律師，然後媽咪就話『你知唔知媽咪真係老，我唔係唔想幫你，只係我怕我無呢個能力』。」原來Sa媽希望女兒學習理財及自己如何生活；祖兒亦稱會抽更多時間陪伴家人。
