【地表最強】酷霸王好夾蔡明紹
兆 文
第三場第四班1650米。原本心水都有缺點，「天天得樂」同「相映紅」均排大外檔，更弊同場少快馬；「華美之威」會採取主動，可是11月5至12號期間少了一課快跳；「北海盜」就明明跑1800好開，無啦啦縮番一哩更加眼罩，既然如此，向冷門「酷霸王」打主意了。
老實講，「酷霸王」雖然至今連1400都冇跑過，呢次一下子扳上1650氣量要當然要估，不過一早已經攞定優先權報今戰，仲要抖近一個月，肯定來者不善。無疑「酷霸王」韁口有點重，正如最近試閘就搶口，但細心看由蔡明紹出試，雖搶口卻未有人馬角力，再看過終點後有個空立即追上，確認人馬好合拍。
第9場第三班1200米。跑出今季同程最快時間兩匹馬，就係「晨曦儷人」同埋「椒椒醒」，前駒boxing day晚跑出1.09.15，後駒10月16日締速1.09.24。「晨曦儷人」不只締速比「椒椒醒」優勝，並曾首在238場贏過佢，儘管「椒椒醒」該仗直路受困冇跑過，不過「晨曦儷人」沿途走三疊望空照贏，亦難怪上仗再贏更締佳速，升勢強勁。
至於已經連贏兩場的「晨曦儷人」，目前狀態簡直弗到爆炸，剛剛周一試跑不只外觀省鏡，身壯色潤，而且墜手好火相當起勁，更吸引上周五喺內圈踱步嘅時候，竟然起擒拋下鞍上人，繼而空馬走甩兩圈先至被捉番，火氣好猛。
