【欄邊老司機】相映紅我做到
魯斯基
近期馬圈嘅熱話，某某練馬師嘅馬拉倉，某練馬師被馬會罰款等，其實完全唔關我哋馬迷事，馬迷最緊要「中」馬贏錢，唔好彩輸咗，也最起碼要心服口服，你話係唔係？明明有機會贏嘅馬，要外邊衝先最好，但係騎師又跑入內欄，左塞右塞，跑第四四五五，以為大家真係唔明點解？其實盲都睇到！我曾經跟隊大馬主玩團體馬，記得以前賽馬日，總收到一些馬房例料傳真，所謂「內幕馬」。以前太天真以為執到寶，誰知道很快入晒肉，自此之後，所有練馬師講嘅說話，我當無聽過，就算自己隻馬出賽，都懶得去沙圈聽佢哋編導演。因為賽馬遊戲，寧願信自己、信數據、信眼光，或者相信我們《文𣾀報》嘅名家推介，都唔好信其他人。贏好輸好，檢討再檢討，不停反覆檢錯，你一定會搵到竅門及方式。
